ع_م_ا_د

)ع)
عِيد رسْم كل الحاجات لو ينفعوا
علّي في سور حواليك، حواليك راح يتجمعوا
عدّي ببان الفرحة والضحكة
علّم قلوب الناس من أول السكة
عاند الفكرة بالوقت والمشوار
عايز تكون "مش عايز"، وده قمة الاصرار

)م)
مهما تدوس بنزين مازلت متأخر
ما ضاع سنين منك و اللي راح يفوت أكتر
مؤمن أوي بغلبك، وجنانك العاقل؟
مرتاح في كوخ ضلك، بس أنت تستاهل!
متقولش نقطة رجوع معدش راح ينفع
متغيرة الأحوال، ولا حال ماضيك يشفع

)ا(
اسأل تاريخ على الحيطان ليه اتكتب
اشطب رقم من جدولك كأنه ولا اتحسب
استسلم لريحة الحزن من حواليك
استغنى عن كلمة شكر تمدح فيك
افتكر كل ذكرى شيلاها أحلامك
استنى جنازتك تعدي من قدامك

)د(
داري شقوق اليأس اللي ملت ايدك
داوم على الضحك في نفس مواعيدك
دافع عن الفكرة لو مهما كفرت بيك
ده شرف عقلك وعرضك اللي غاويك
دقق في كلمتك ، كلمتك فكرة راح تبنيها
دمك تمن محتوم لو كفرت يوم بيها